星島日報
15/2/2015

頌昕非洲野外瞓帳篷 振英籲年輕人訓練膽量

恒生管理學院與新城電台合辦的對談節目，邀請了特首梁振英任嘉賓，振英哥談及青年問題時，透露女兒現時在非洲實習，體驗當地生活，夜晚要在野外睡帳篷︰「做父母雖有擔心，但青年冒吓險無壞，經歷有助他們人生數十年的事業，或能找到新大陸。」振英哥育有一仔兩女，齊昕早前才回港，相信他透露到非洲實習的是其細女頌昕。

他又分享了年輕時到海外求學和創業奮鬥史，更鼓勵年輕人多到外面的世界擴寬眼界。他認為，新一代年輕人有的挑戰和機遇，比以前的人更多，「時下年輕人不論在教育、視野和體魄方面都比我們以前優勝，唯獨需要加強訓練膽量，因為父母太多呵護，（子女）依賴性就愈強」。他鼓勵年輕人創業，就算失敗也不必氣餒，創業時更要「膽大心細」，既有創業的膽量，亦要細心執行計畫，才能成功。

放假七日 不行花市
年近歲晚，振英哥今年會否「迎難而上」再行維園呢？唔使估啦，特首辦昨早宣布，他由今日起離港休假七日，其間由政務司司長林鄭月娥將署理其職務，即係他唔會行花市啦。

今次是他上任以來第十次休假，計埋星期六日他已休假逾七十日，上次是去年八月過生日。唔知今次他與屋企人，會去邊度「避年」呢？